Transcription
1
Mercredy dernier, ung quon nomme le cappitaine Redont de Lanjac, quon avoit mis dans une abbaye
2
de nonains avec quelques soldatz quon nomme les Chèzes, acompaigné dun frère du cappitaine
3
Merle, sen allarent à Chantenjol fère bonne chère avec le frère de monsieur Miget, grand vicaire
4
de La Chaisedieu qui estoit dedans avec six soldatz et sen volans sortir, aumoins en
5
faisoient le semblant, ne trouvant à la porte que deux hommes, volurent saisir les
6
clefz de lung di ceulx et luy donnarent ung coupt de daigue et à laultre ung coupt
7
de pistolle ; et en ces entre faictes, les aultres soldatz dudit Chantejol survindrent
8
qui prindrent cellui quon nomme Merle, et Redon se saulva, lequel avoit
9
aposté six soldatz acoustrez en paysans qui se debvoient rendre
10
à la porte dudit Chantejol comme il saisiroit ladite porte, mais il se trouvarent
11
tropt tardif ; et les trouvant comme il sen fuiyoit aux faulx bourgs,
12
il les en feist retourner et rencontrant en leur chemin messire Ferratié,
13
qui venoit de quelque part, ilz le prindrent et lemmenarent au Mazion
14
où ilz le tiennent prisonnier. Et ledit Redont le mesme jour mist les huguenotz
15
en ladite abbaye des Chèzes. Depuys, on ma dict que celluy qui demeura
16
prisonnier audit Chantejol a declaré que ilz avoinet inteligence à
17
surprendre La Chaisedieu par le moyen dung religieux qui est de
18
Lanjac et se debvoit excequter à demain, jour de dymanche cependant
19
que ceulx de La Chaisedieu feroient leurs monstres. Ledit religieulx
20
est prisonnier. On a depesché à Ryon sept ou huict de ceulx
21
daulcugne qui estoient de lentreprinse cy devant descouverte.
22
Monsieur de Sainct Heren a encor les cappitaines estrangiers.